Go ya ka Sebueledi sa Mapodisi Brigadier Sabata Mokgwabone, monna o tshwerwe ka Mosupologo, 18 Motsheganong 2020 fa morago ga gore a bolêlêlê Mapodisi gore o belaêla fa bomorwaê ba gagwe ba nwele botlhole jwa magôtlô.
Basimane bano ba dingwaga di le 11 le 12, ba ne ba fitlhêlwa ke Mapodisi ba tlhokafetse ka Lamatlhatsô kwa Valkop, Assen gaufi le Brits.
Dikgang tseo di tshwanang
Go tlhagêlêtse ka nako ya dipatlisiso gore ntate o neile bana botlhole. O latofaditswe ka polao. Ga go itsiwe gore o tlhôtlhêlêditswe ke eng, mme dipatlisiso di tswêlêtse.
Kgabagare Mokimisinara wa Mapodisi mo Bokone Bophirima, Lieutenant General Sello Kwena, o kgadile tiragalo êno mme a fetisa matshidiso go ba lelapa.
