Porôfênse ya Bokone Bophirima e tlile go keteka letsatsi la Lefatshe la Dijo ka Labone 11 Diphalane 2018
Tiragalo eno eo e ketikiwang lefatshe ka bophara fa Diphalane a le 16, e tlile go tshwarelwa kwa toropong ya Schweizer-Reneke ka Labone 11 Diphalane 2018.
Go solofetswe fa Mokhuduthamaga wa Lefapha la Selegae, Tikologo le Tsweletsopele ya temôthuo mo Porôfênseng ya Bokone Bophirima, Manketsi Tlhape a tla lotologa ka leano la lefapha la go samagana le phediso ya tlala mmôgô le go itsise ka katlêgô ya letsholo la Letsema la Mantshatlala.
Dikgang tseo di tshwanang
Pegêlô eo e rebotsweng ke Lefapha e tlhalosa fa letsatsi la dijo le beetswe thoko go samagana le tlala go dikologa lefatshe.
Dijo di tshwanetse go nna tshwanelo ya botlhe, mongwe le mongwe o na le tshwanelo ya go bona dijo tseo di nang le dikotla ebile di babalesegile.
Puso ya Porôfênse e ne ya tlhôma letsholo la Mantshatlala mo Lefapheng la Selegae, Tikologo le Tsweletsopele ya temôthuo go fedisa tlala, mme go lebeletswe gore Tlhape o tla anegela Setšhaba ka ga katlêgô ya letsholo leno mo ketekong eo moanô wa yona e leng ‘ditiro tsa rona bokamoso jwa rona.’
