Malefo High School e tshwara moletlo wa dikabô go tlotlomatsa baithuti mo pakeng ya bobedi ya dithuto
Sekolo se segolwane sa Malefo kwa motseng wa Tweelaagte se ne gompieno Labotlhano 02 Phatwe 2019 se tshwere moletlo wa dikabô go tlotlomatsa baithuti bao ba dirileng go tlala seatla mo pakeng ya bobedi ya dithuto.
Baithuti ba mephato ya 8, 9, 10, 11 le 12 ba ikgapetse dikabô le disetifikeiti mo go seo Mogokgo wa sekolo, Rre Itumeleng Rauwane a tlhalositseng fa e le tshimologô ya dikabô tseo go ya pele di tlileng go tshwarwa ngwaga le ngwaga.
Dikgang tseo di tshwanang
Moletlo o ne o tsenetswe ke baithuti, barutabana, botsamaisi jwa sekolo, batsadi gammôgô le mekgatlho ya loagô.
Baithuti bao ba gapileng maemo a ntlha mo mephatong ya 8, 9, 10, 11 le 12.
Kgabiso Magoleng yo o gaisitseng mo Mophatong wa 8. ![]()
Warona Malekutu yo o gaisitseng mo Mophatong wa 9. 
Lesedi Lesame yo o gaisitseng mo Mophatong wa 10. ![]()
Oratile Mokgosi yo o gaisitseng mo Mophatong wa 11. 
Kgothatso Kgatsoetsoe yo o gaisitseng mo Mophatong wa 12.
Fa morago ga dikabô, Kgothatso Kgatsoetsoe yo a gaisitseng baithuti ba Mophato wa 12, ebile gape e le Moeteledipele wa kgotlakemedi ya baithuti ya sekolo o ne a neelana ka molaetsa wa thotloêtso ga baithuti-mmôgô-kaênê.
