Tona ya Boitekanêlô kwa Botswana, Dr Lemogang Kwape o netefaditse ‘sigong bono fa go na le dikgêtse di le tharo tsa bao ba tshwaêditswêng ke mogare wa Corona wa Covid-19 kwa nageng eo.
Kwape o tlhalositse mo palôpônong ya bosetšhaba gore bao ba tshwaêtsêgilêng ke banna ba le babedi le mosadi a le mongwe.
Dikgang tseo di tshwanang
Go ya ka Kwape, bao ba tshwaêtsêgilêng bano, ba ne ba tsamaetse kwa Thailand le United Kingdom go sa le gale.
Metswedi ya dikgang kwa Botswana e nôpotse Kwape a tlhalosa gore boraro bo bo tshwaêtsêgilêng bono, bo tswa mo bathong ba le 191 bao ba dirilweng ditekô tsa Covid-19.
Go solofetswe gore Puso ya Botswana le Lefapha la Boitekanêlô e tla itsise Batswana ka dikgatô go ya pele tebang le go thibêla kanamô ya mogare go ya pele.
