Mapodisi kwa Phahameng a tshwere Mosadi wa dingwaga di le 30 ka tatofatso ya molato wa polao. Tiragalo eno e diragetse la Laboraro, 25 Sedimonthole kwa Dark City.
Dikgang tseo di tshwanang
Go ya ka pegelo ya Sepodisi, Mapodisi a ne a tsibogela mokgosi wa polao, mme fa ba fitlha kwa lefelong la tiragalo ba ne ba fitlhela badiri ba tsa tshoganyetso ba leka go thusa motswasetlhabelo, mme ka bomadimabe, motswasetlhabelo ebong monna wa dingwaga di le 30, o ne a latlhegelwa ke botshelo.
Moswi o fitlhetswe a tlhabilwe mo mafatlheng mme Mapodisi a tshwerwe mmelaelwa yo e leng lekgarebe la motswasetlhabelo. Dipatlisiso di tsweletse mme mmelaelwa o solofetswe go tlhagelela kwa kgotlatshekelo fa gautshwane.
