Lethaka leno Evans Sivechere, leo mapodisi a Botswana a tlhalosang gore o tsieditse Batswana ba le 11 madi a kana ka P240 000, gatwe le ne le ba tshepisa tiro kwa mafatsheng a kwa moseja, bo Bulgaria, Finland, Poland le a mangwe. O tshwerwe kwa boemelafofane ba Sir Seretse Khama ka 22 Ngwanatsele 2025 morago ga go batliwa sebakanyana.
Go ya ka Sebueledi sa Mapodisi, Near Bagali, ditiragalo tsa tsietso di diragetse magareng ga Diphalane 2024 le 23 Diphalane 2025.
Baagi bao ba neng ba batla tiro ba ne ba bolelelwa gore ba duele madi mo setlamong sa Diamond Migration Pty Ltd, mme setlamo se ne sa ngwaega ka madi ntle le go thusa batswasetlhabelo.
