Dipaakanyo di tsweletse mo motsemošhate Mahikeng go nêêlana ga ga Tonakgolo ya Porôfênse ya Bokone Bophirima ka puo ya seêmô sa Porôfênse.
Puo ya seêmô sa Porôfênse e neêlwa ke Tonakgolo go ala phatê ya seo puso e ikaêlêlang go se dira mo ngwageng yo mosha wa go bulwa ga kgotlathêômolao.
Dikgang tseo di tshwanang
Mo puong ya gagwe Tonakgolo Job Mokgoro o solofetswe go ama ditharabololo tseo puso e tlileng go di tsenya tirisong go samagana le dikgwêtlhô tsa thebolêlô ya ditirêlô tseo baagi ba Porôfênse ba ntseng ba lela ka tsona.
Mokgoro o solofetswe gape go leba kwa morago go bua ka diphitlhêlêlô tsa Puso mo dingwageng di le 25 tseo di fetileng, seno e le ka ntlha ya fa naga e ya ditlhophong tsa bosetšhaba le diporôfênse ka kgwedi ya Motsheganong monongwaga. Mokgoro o solofetswe go bua mo nakong e gautshwane.
